Su 21 de freàrgiu de ogni annu est sa die internatzionale de sa limba mama.
Est
una tzelebratzione istituida dae s'UNESCO comente die de importu pro
avalorare sa diversidade linguìstica e su multilinguismu, fintzas in
su cunsideru chi a pòdere faeddare sa pròpria limba, in libertade e
in cale si siat àmbitu de sa vida pùblica e privada, siat una cosa
manna a favore de sa paghe in su mundu. E, in prus, tenet valore
culturale mannu pro sa tutela de sas limbas chi diant a pòdere
mòrrere ca nessunu dd'as faeddat prus.
Su
sèberu de sa data est pro ammentare ca in su 1952, su 21 de
freàrgiu, sa politzia de su Pakistan aiat mortu istudiantes
bengalesos de s'Universidade de Dacca chi fiant protestende pro chi
sa limba bengalesa esseret connota comente limba ufitziale. Su
Bangladesh a s'oras faghiat parte de su Pakistan chi in su 1948 aiat
decraradu sa limba urdu comente limba ufitziale de totu s'istadu
mancari su prus de sa gente esseret faeddadu su bengali.
In
Bangladesh sa dies est comemorada non pro sa limba ebbia, ma pro
s'identidade culturale e pro s'indipendèntzia natzionale.
Nessun commento:
Posta un commento